ເດັກນ້ອຍເກີດໃໝ່ໃນ ຍີ່ປຸ່ນ ຫຼຸດລົງຕ່ຳສຸດເປັນປະຫວັດສາດ
ສຳນັກຂ່າວທ້ອງຖິ່ນລາຍງານຈາກນະຄອນຫຼວງ ໂຕກຽວ ປະເທດ ຍີ່ປຸ່ນ ເມື່ອວັນທີ 27 ກຸມພາ 2024 ຜ່ານມານີ້ວ່າ, ຈາກຂໍ້ມູນ
ເບື້ອງຕົ້ນລັດຖະບານ ຍີ່ປຸ່ນ ໄດ້ລະບຸວ່າ: ໃນປີຜ່ານມາ ມີເດັກນ້ອຍເກີດໃໝ່ພາຍໃນປະເທດ ຈຳນວນທັງໝົດ 758.631 ຄົນ, ຖືເປັນສະ
ຖິຕິຕ່ຳສຸດໃນປະຫວັດສາດ, ເຊິ່ງສະເລ່ຍຫຼຸດລົງ 5,1% ເມື່ອທຽບກັບສະຖິຕິຂອງປີກ່ອນ ແລະ ເປັນການຫຼຸດລົງຕິດຕໍ່ກັນ 8 ປີລຽນຕິດ.
ໃນຂະນະທີ່ປີຜ່ານມາ, ສະຖິຕິການເສຍຊີວິດຂອງປະຊາກອນມີຈຳນວນ 1.590.503 ຄົນ, ສ່ວນສະຖິຕິການແຕ່ງງານຕ່ຳສຸດໃນຮອບ
90 ປີ ພຽງ 489.281 ຄູ່, ຫຼຸດລົງ 5,9% ເມື່ອທຽບກັບສະຖິຕິຂອງປີກ່ອນນີ້. ທ່ານ ຟຸມິໂອະ ຄີຊີດະ ນາຍົກລັດຖະມົນຕີ ຍີ່ປຸ່ນ ກ່າວວ່າ:
ສະພາບການດ້ານປະຊາກອນຂອງປະເທດ ພວມເປັນວາລະແຫ່ງຊາດ ທີ່ຕ້ອງມີການແກ້ໄຂຢ່າງມີລະບົບ ແລະ ເລັ່ງດ່ວນທີ່ສຸດ ເພື່ອສະ
ໜັບສະໜູນການແຕ່ງງານ, ການມີລູກ ແລະ ການລ້ຽງດູລູກ ເຊິ່ງເປັນການເພີ່ມຈຳນວນປະຊາກອນ ໃຫ້ສອດຄອງກັບສະຖານະການທາງ
ດ້ານເສດຖະກິດ ແລະ ສັງຄົມ. ປັດຈຸບັນ, ຍີ່ປຸ່ນເປັນໜຶ່ງໃນປະເທດທີ່ມີເສດຖະກິດຂະຫນາດໃຫຍ່ ທີ່ພວມຜະເຊີນກັບພາວະມີຜູ້ສູງອາ
ຍຸຫຼາຍ.
ແຫຼ່ງທີ່ມາ: ໜັງສືພິມກອງທັບ
ວັນທີ 01/03/2024